Հայաստանը կդառնա Կաննի 80-րդ միջազգային կինոփառատոնի «Քննադատների շաբաթ» ծրագրի Next Step Studio նախաձեռնության պատվո երկիրը։ Այդ մասին տեղեկացնում է ՀՀ կրթության, գիտության, մշակույթի և սպորտի նախարարությունը։

Նախաձեռնության շրջանակում չորս հայ և չորս միջազգային ռեժիսոր Հայաստանում համատեղ կստեղծեն չորս կարճամետրաժ ֆիլմ, որոնք նախատեսվում է ներկայացնել 2027 թվականի Կաննի միջազգային կինոփառատոնում։

«Ոսկե ծիրան» միջազգային 23-րդ կինոփառատոնի ընթացքում արդեն հայտնի են դարձել Հայաստանից ընտրված չորս ռեժիսորների անունները։ Ծրագրին կմասնակցեն Արմիկ Իսրայելյանը, Սոնա Խաչատրյանը, Րաֆֆի Մովսիսյանը և Նաիրա Սարգսյանը։

‍

‍

Նրանք հետագայում ստեղծագործական զույգեր կկազմեն միջազգային չորս ռեժիսորների հետ, իսկ զույգերի կազմը կհայտարարվի օգոստոսի 19-ին՝ Սարաևոյի կինոփառատոնի շրջանակում կայանալիք CineLink ծրագրի փակման արարողության ընթացքում։

Ծրագրի շրջանակում ստեղծվող ֆիլմերը կնկարահանվեն հայերեն՝ Հայաստանի դերասանների մասնակցությամբ։ Նախաձեռնությունն իրականացվում է ՀՀ ԿԳՄՍ նախարարության աջակցությամբ՝ Հայաստանի կինոռեժիսորների և պրոդյուսերների գիլդիայի համագործակցությամբ։

‍

‍