Սեպտեմբերի 21-ին Առաջին ալիքը մեկնարկում է իր 70-ամյակին նվիրված հոբելյանական եթերաշրջանը։ Առաջին իսկ շաբաթը կբերի մի քանի նոր նախագիծ, վերադարձներ և արդեն ծանոթ հաղորդումների նոր եթերաշրջաններ։

‍

Առավոտը կմեկնարկի «Առավոտ լուսո»-ով՝ ժամը 09:00-ին, իսկ 17:25-ին Առաջին ալիքը կվերադառնա սեփական հեռուստատեսային անցյալին՝ «Հանրայինի արխիվից» նախագծով։ Երեկոյան եթեր կվերադառնա նաև «Սպասիր ինձ»-ն՝ 20:10-ին, իսկ 21:00-ին կհեռարձակվի «Անկախություն. հարատև պատմություն»-ը։

‍

Նոր եթերաշրջանի առաջին պրեմիերաներից մեկը սպասվում է սեպտեմբերի 22-ին։ Վարուժան Մարգարյանը այս անգամ ներկայանալու է հաղորդավարի դերում՝ «Դեպքի վայրում» նոր նախագծով։ Հանցագործությունների շուրջ կառուցված հաղորդման ընթացքում հայտնի հյուրերը դեպքի վայրում կծանոթանան պատմության մանրամասներին և կներկայացնեն կատարվածի վերաբերյալ իրենց վարկածները։ Եթերը՝ 22:40-ին։

‍

Սեպտեմբերի 23-ին Առաջին ալիքում իր նոր նախագիծը կմեկնարկի Մադոննա Հարությունյանը։ «ՇապիԿԻՆ»-ը կնոջ, նրա տարբեր կերպարների, անցած ճանապարհի և ոճերի մասին է։ Առաջին թողարկումը եթերում կլինի 20:20-ին։

‍

‍

Նույն երեկոյան՝ 22:40-ին, կվերադառնա «Նոտա-նոտա»-ն, բայց արդեն նոր հաղորդավարով․ երաժշտական նախագիծն այս եթերաշրջանում կվարի Ներսես Ավետիսյանը։

‍

Իսկ սեպտեմբերի 26-ին Առաջին ալիքի եթեր կվերադառնա նաև «Ո՞վ է ուզում դառնալ միլիոնատեր» հեռուստախաղը։ Մասնակիցները կրկին կփորձեն հասնել գլխավոր մրցանակին՝ պատասխանելով աստիճանաբար բարդացող հարցերին։ Եթերը կմեկնարկի 21:50-ին։

‍

Եվ սա դեռ ամենը չէ։ Հոբելյանական եթերաշրջանի ընթացքում սպասվում է նաև հայկական հեռուստատեսության պատմության ամենամասշտաբային սերիալը՝ «Ազատություն»-ը,, որի կենտրոնում Առաջին Հանրապետության տարիներն ու երկու ընտանիքների պատմությունն են։

‍

Եթերում կհայտնվի նաև Առաջին ալիքի՝ արհեստական բանականությամբ ստեղծված առաջին հաղորդավարը՝ «Արհեստական և բանական» նախագծում՝ Համլետ Առաքելյանի կողքին։

‍