Վերջին ամիսներին ամենաքննարկված հայկական սերիալներից մեկի՝ Se.La.Vi.-ի պատմությունը մոտենում է ավարտին։ Մայիսի 29-ին CinemaStar-ում կայացել է սերիալի վերջին երկու՝ 9-րդ և 10-րդ սերիաների բացառիկ ցուցադրությունը, որին ներկա էր նաև POP անկյունը։
Երեկոյի ընթացքում մեկ հարկի տակ էին հավաքվել նախագծի դերասանական կազմը, ստեղծագործական թիմը, գործընկերներն ու ընկերներ։ Ցուցադրությունն անցավ ջերմ և հուզիչ մթնոլորտում՝ հանդիսատեսին հնարավորություն տալով առաջիններից մեկը տեսնել սերիալի ավարտը։
Se.La.Vi.-ն Իննա Խոջամիրյանի FrankFilms արտադրական ընկերության առաջին նախագիծն է, սակայն նրա համար որպես պրոդյուսեր սա արդեն հինգերորդ աշխատանքն է։ Նախկինում նա աշխատել է Hotel Grand-ի երեք եթերաշրջանների, «Սիրելի Սահմի» հեռուստասերիալի և «Ճիշտ այդպես» ռեալիթի նախագծի վրա։Մեզ հետ զրույցում Իննա Խոջամիրյանը խոսեց նաև FrankFilms անվան գաղափարի մասին.
«Ֆրանկ» բառը ստուգաբանորեն նշանակում է բաց, ազատ, ուղիղ, և «FrankFilms-ը պատմում է բաց, ազատ, ուղիղ»։
Խոսելով Se.La.Vi-ի հնարավոր շարունակության մասին՝ նախագծի հեղինակը չբացառեց երկրորդ եթերաշրջանի հավանականությունը՝ նշելով, որ այն հնարավոր է համապատասխան պայմանների և նախադրյալների առկայության դեպքում։
Հիշեցնենք, որ Se.La.Vi.-ն պատմում է ժամանակակից հայ կնոջ կյանքի, ընտրությունների, հարաբերությունների, ազատության և ինքնության մասին՝ ներկայացնելով իրական պատմություններ։Se.La.Vi.-ի 9-րդ սերիան հասանելի կլինի FrankFilms-ի YouTube-յան ալիքում հունիսի 2-ից, իսկ եզրափակիչ՝ 10-րդ սերիան՝ հունիսի 9-ից:
