«Ֆեստիվառ» փառատոնային նախագիծը վերադառնում է՝ խոստանալով այս ամառ կրկին միավորել երաժշտությունը, մշակույթն ու ժամանցը Հայաստանի տարբեր համայնքներում։

Հայաստանի հանրային հեռուստաընկերությունը հայտնել է, որ այս տարվա առաջին կանգառները կլինեն Արագածոտնի, Սյունիքի և Գեղարքունիքի մարզերում։

Փառատոնի ծրագրում ներառված են հետևյալ քաղաքները.

Հուլիսի 18 — Թալին

Օգոստոսի 15 — Կապան

Օգոստոսի 29 — Ճամբարակ

Թե ովքեր են ելույթ ունենալու, ինչ ծրագրեր են նախատեսվում և ինչ նորություններ են սպասվում այցելուներին, կազմակերպիչները դեռ չեն բացահայտում՝ նշելով, որ մանրամասները կհրապարակվեն առաջիկայում։

«Ֆեստիվառը» իրականացվում է ՀՀ կրթության, գիտության, մշակույթի և սպորտի նախարարության աջակցությամբ։

‍