2024 թվականին էկրան բարձրացած «Մեդալի հակառակ կողմը» ֆիլմը պատմում է ծանրամարտիկ Նազիկ Ավդալյանի կյանքի մասին։ Ավդալյանին ֆիլմում մարմնավորել է Աննա Մաքսիմը, որը նաև ֆիլմի ռեժիսորը, սցենարի հեղինակն ու գլխավոր պրոդյուսերն է։ Ֆիլմն արտադրվել է Maxim Production-ի կողմից։

‍

Ամալյա Հովհաննիսյանի և MONK3-ի «Դեպի արմատներ» հաղորդման ընթացքում Նազիկ Ավդալյանը խոսել է ֆիլմի և դրա ստեղծման շուրջ առաջացած խնդիրների մասին։

‍

Նա նշել է, որ ուրախ է ֆիլմի ստեղծման համար և այն համարում է ստացված աշխատանք, սակայն չի համաձայնել այն բնորոշմանը, թե ստեղծված իրավիճակը կարելի է ներկայացնել որպես հաջողության կիսում։

«Ես ընդհանրապես կարիք չունեմ որևէ մի հաջողություն կիսելու։ Իմ մասին նկարահանվել է ֆիլմ, ես շատ ուրախ եմ, ստացված ֆիլմ է, ահռելի աշխատանք է տարվել»։

‍

‍

Անդրադառնալով իրավական հարցերին՝ Ավդալյանը նշել է, որ համապատասխան մասնագետի հետ սկսել է աշխատել արդեն ավելի ուշ՝ նշելով, որ այդ քայլն ավելի վաղ պետք է արվեր։

«Եթե ինչ-որ մի գործ ես սկսում, եթե դու դաշտին ծանոթ չես, հենց սկզբից պիտի շատ լավ իրավաբանի հետ սկսես»։

‍

Խոսելով ֆինանսական կողմի մասին՝ Նազիկ Ավդալյանը հայտնել է, որ ֆիլմից ֆինանսական կամ մոնետիզացիոն եկամուտ չի ստացել։ Նրա խոսքով՝ իր համար ամենակարևոր արդյունքն այն է, որ ստեղծվել է մի արժեք, որը շարունակում է ծառայել իր նպատակին։

«Իմ ամենամեծ ու կարևոր ձեռքբերումը՝ մի արժեք, որ ծառայում է իր նպատակին»։

‍