«Ֆուլ հաուս»-ի առաջիկա համաշխարհային շոու-շրջագայության վերաբերյալ նոր մանրամասներ են հայտնի դարձել։

Նախագծի դերասան և սցենարիստ Գրիգոր Դանիելյանի խոսքով՝ շրջագայության հստակ ամսաթվերը դեռևս հայտնի չեն, սակայն այն նախատեսվում է մեկնարկել սեպտեմբերին։ Առաջին ներկայացումը կկայանա Երևանում։
‍

Դանիելյանը նաև հայտնել է, որ շրջագայության համար պատրաստվել է ամբողջովին նոր սցենար։

Ավելի վաղ հայտնի էր դարձել, որ «Ֆուլ հաուս»-ի թիմը ելույթներով հանդես կգա Հայաստանում, Ռուսաստանում, ԱՄՆ-ում, Ֆրանսիայում, Գերմանիայում, Բելգիայում և Իսպանիայում։

‍