Gasoiia-ն նոր երաժշտական թողարկումից հետո արդեն պատրաստվում է ներկայացնել իր հաջորդ նախագիծը։

Երգիչը վերջերս ներկայացրել է Darling ստեղծագործությունը, որի մասին պրոդյուսեր Մհեր Բաղդասարյանը գրել է. «Այն չի ստեղծվել հիթերի մրցավազքում վազելու համար, այն պարզապես լուսավոր թախիծ է, հիշողության մի զգացում, որին դժվար է անուն տալ»։

Բաղդասարյանը նաև բացահայտել է, որ առաջիկա օրերին լույս կտեսնի Gasoiia-ի նոր EP-ն՝ «Գես» անվանումով։

Պրոդյուսերի խոսքով՝ նախագիծը հանդիսատեսին կներկայացնի «նոր պատմություններ, նոր զգացմունքներ և նոր աշխարհ»։

EP-ի թողարկման հստակ ամսաթիվը դեռևս չի հայտարարվել, սակայն, ըստ հրապարակման, այն հասանելի կլինի արդեն մի քանի օրից։