Հայկ Մարգարյանը ReArrange փոդքաստում խոսել է իր երաժշտական գործունեությունից հեռանալու պատճառների մասին՝ նշելով, որ այդ որոշումը պայմանավորված էր կյանքի առաջնահերթություններով և ֆինանսական կայունություն ապահովելու անհրաժեշտությամբ։

«Ես երաժշտությունը միտումնավոր չեմ թարգել. իմ մոտ թարգելը զուգահեռ գնաց իմ բիզնես կարիերայի հետ»:

Ռեփերի խոսքով՝ բիզնես սկսելու որոշումը ծնվել է այն ժամանակ, երբ հասկացել է, որ երաժշտությունը չի կարող ապահովել իր ընտանիքի ֆինանսական կարիքները։

‍

‍

Հայկը նշել է, որ իր համար կարևոր էր հասնել ֆինանսական կայունության և կարողանալ ապահովել ընտանիքը, նույնիսկ եթե դրա համար ստիպված էր հրաժարվել երաժշտական կարիերայից։

«Ես գերադասեցի ֆինանսապես կայանալ, դրա համար ինքըստինքյան իմ ձեռքով ՀՏ Հայկոյին սպանեցի։ Համատեղելի չէր»,

— ասել է նա՝ հավելելով, որ որոշումը հեշտ չէր, սակայն այն կայացնելուց հետո այլևս չի կասկածել իր ընտրությանը։

‍

Նույն հարցազրույցում Մարգարյանը անդրադարձել է նաև կինոյին՝ նշելով, որ շարունակում է հետաքրքրված լինել այդ ոլորտով։ Նրա խոսքով՝ ստանում է դերասանական առաջարկներ, սակայն հրաժարվում է այն նախագծերից, որոնք իրեն չեն հետաքրքրում։ Սա նշանակում է, որ «Հայ տղեք» ֆիլմից բացի, ապագայում երկրպագուները կարող են նրան տեսնել նաև այլ կինոնախագծերում։

‍