Հաջորդ ամիս մեծ էկրան բարձրացող «Մի գդալ սեր» ֆիլմի պատմությունն այժմ հասանելի է նաև գրքի էջերում։ NewMag հրատարակչությունը հայերեն է թարգմանել Փոփի Ջ. Անդերսոնի Taste of Love վեպը, որի հիման վրա նկարահանվել է Հրաչ Քեշիշյանի համանուն ֆիլմը։

Գիրքը հայերեն հրատարակվել է հենց «Մի գդալ սեր» անվամբ և ստացել ֆիլմի պաշտոնական պաստառի հիմքով ձևավորված շապիկ։ Դրա կենտրոնում ֆիլմի գլխավոր դերակատարներ Ներսես Ավետիսյանն ու Անի Խաչիկյանն են։

Պատմության կենտրոնում սերն է, խոհանոցն ու երկու մարդկանց հանդիպումը, որը փոխում է նրանց առօրյան։ Ռոմանտիկ պատմությունը միավորում է զգացմունքները, խոհարարությունը և այն իրավիճակները, որոնցում առաջին հայացքից անհամատեղելի թվացող մարդիկ աստիճանաբար բացահայտում են միմյանց։

Վեպը հայերեն է թարգմանել Ռուզան Յորդանյանը։

Հիշեցնենք, որ Հրաչ Քեշիշյանի «Մի գդալ սեր» ֆիլմի պրեմիերան նախատեսված է սեպտեմբերի 3-ին՝ կինոթատրոններում։