MONK3-ը հայտարարել է իր նոր՝ «Հանուն հոր և որդու» գեղարվեստական ֆիլմի նկարահանումների մեկնարկի մասին։ Նախագիծը ընկերության այս տարվա արդեն երկրորդ լիամետրաժ ֆիլմն է։

Ֆիլմի ռեժիսորը Մհեր Մկրտչյանն է, որը հայտնի է «Կյանք ու կռիվ», «Ոսկե դուբլ / Արարատ-73», «Իշխանություն» և մի շարք այլ նախագծերով։ Ֆիլմի պրոդյուսերն է Կարո Նաղդալյանը։

Դերասանական կազմում ընդգրկված են Բաբկեն Չոբանյանը, Հրանտ Թոխատյանը, Ավետ Զոհրաբյանը, Արման Նավասարդյանը, Արաքսյա Մելիքյանը, Սաշ Սուքիասյանը, Մարինա Թոփչյանը, Անի Ղազարյանը և Սեր Մովսիսյանը։

‍

‍

Հիշեցնենք, որ MONK3-ի առաջին գեղարվեստական ֆիլմը՝ «Ճերմակ շապիկ»-ը, Թելման Խաչատրյանի և Մերի Քոչարյանի մասնակցությամբ, մեծ էկրաններ կբարձրանա սեպտեմբերի 10-ից։

‍