Հրապարակվել է MONK3 Production-ի առաջին գեղարվեստական ֆիլմի՝ «Ճերմակ շապիկ»-ի պաշտոնական թրեյլերը։

Ֆիլմի կենտրոնում Մարկն է՝ մեծահարուստի որդին, որի կյանքը կտրուկ փոխվում է մեկ ճակատագրական գիշերից հետո։ Հարբած վիճակում նա վրաերթի է ենթարկում հետաքննող լրագրող Իզայի հորը, ինչից հետո, պատժից խուսափելու նպատակով, հայտնվում է հոգեբուժարանում՝ կեղծ ախտորոշմամբ։

Հենց այնտեղ էլ Մարկը հանդիպում է Սալլիին՝ մի աղջկա, որին, կարծես, աշխարհը վաղուց մոռացել է։ Նրանց փախուստը վերածվում է ոչ միայն ազատության համար պայքարի, այլև սեփական արժեքներն ու կյանքի իրական իմաստը գտնելու ճանապարհորդության։

Ֆիլմի գլխավոր դերերը մարմնավորում են Թելման Խաչատրյանը և Մերի Քոչարյանը, իսկ դերասանական կազմում ընդգրկված են նաև Բաբկեն Չոբանյանը, Նարինե Պետրոսյանը, Արամ Կարախանյանը, Մարիամ Ալեքսանյանը և Գոռ Սարգսյանը։

Թրեյլերի հրապարակումից հետո հանդիսատեսն արդեն ստացել է «Ճերմակ շապիկ»-ի առաջին պատկերացումները, իսկ ամբողջ պատմությունը հասանելի կլինի սեպտեմբերի 10-ից՝ կինոթատրոններում։