Մի քանի ամիս առաջ POP անկյունը հայտնել էր Իննա Խոջամիրյանի, Ռուբեն Մուրադյանի և Արամ Կարախանյանի մասնակցությամբ սպասվող նոր ներկայացման մասին։ Այժմ հայտնի են նախագծի անվանումը, ստեղծագործական կազմն ու պրեմիերայի օրերը։

‍

«Ռոմեո Ջուլիետ. Դեժավյու»-ն Լյուդվիգ Հարությունյանի նոր սիրո դրաման է։

‍

Ներկայացման պիեսի հեղինակն է Անահիտ Աղասարյանը, նկարչական ձևավորումը՝ Հրաչ Քեշիշյանի, իսկ պրոդյուսերը՝ Արման Միտոյանը։ Բեմադրության գլխավոր դերերում են Իննա Խոջամիրյանը, Ռուբեն Մուրադյանն ու Արամ Կարախանյանը։

‍

Նախագծի մասին Իննա Խոջամիրյանը խոսել է նաև իր ինստագրամյան իր էջում՝ նշելով, որ ներկայացման ստեղծման ճանապարհը երկար ու բարդ է եղել։

«Էս ներկայացումը շատ երկար, պարտավորեցնող, անհարթ ու անհաշտ, խելագար ու շատ խորքային ասելիք ունեցող ճանապարհ անցավ, ու հուսամ՝ դեռ երկար ճանապարհ էլ ունի անցնելու»,

— գրել է դերասանուհին։

‍

«Ռոմեո Ջուլիետ. Դեժավյու»-ի պրեմիերաները կկայանան սեպտեմբերի 14-ին և 15-ին՝ Երևանի Հրաչյա Ղափլանյանի անվան պետական դրամատիկական թատրոնում։