Շարմ Հոլդինգը սկսել է Վիգեն Ջակոգաջյանի «Երբ ծաղկում է ծիրանենին» վեպի հիման վրա նկարահանվող նոր ֆիլմի աշխատանքները։

Ֆիլմը հանդիսանում է համանուն գրական ստեղծագործության էկրանավորումը, որի իրադարձությունները ծավալվում են 1974 թվականի Երևանում։ Պատմության կենտրոնում երեք ընկերներ են, որոնց կյանքը մեկ տարվա ընթացքում ենթարկվում է արմատական փոփոխությունների։

Պատմությունը միավորում է ընկերության և դավաճանության, սիրո և հիշողությունների, երազանքների ու պարտադրված ընտրությունների թեմաները։ Երիտասարդ հերոսները, հայտնվելով գաղտնի զրույցների, արգելված թեմաների և վտանգավոր իրավիճակների աշխարհում, ստիպված են բախվել իրենց որոշումների հետևանքներին։

Վեպի հիմքում նաև սեր է, որը տարիների ընթացքում չի մարում, և ժամանակի մասին պատմություն, որտեղ անցյալի ընտրություններն իրենց հետքը թողնում են ապագայի վրա։

‍

Լուսանկարը՝ NewMag Publishing / Renaissance Armenia-ի