Առաջին ալիքը հայտարարել է «Մանկական Եվրատեսիլ 2026» երգի մրցույթի հայաստանյան պատվիրակի ընտրության մեկնարկի մասին։

Մրցույթին կարող են մասնակցել Հայաստանի Հանրապետության քաղաքացիներ կամ ռեզիդենտներ, որոնք 2026 թվականի հոկտեմբերի 24-ի դրությամբ կլինեն 9-ից 14 տարեկան։ Ընդունվում են ինչպես անհատ կատարողների, այնպես էլ դուետների և մինչև վեց անդամից բաղկացած խմբերի հայտեր։

Լսումների ընթացքում մասնակիցները պետք է կենդանի կատարմամբ ներկայացնեն երկու երգի cover տարբերակ։

Մասնակցության հայտը լրացնելու և մրցույթի կանոններին ծանոթանալու համար անհրաժեշտ է այցելել Eurovision.am կայք։

Հայտերի ընդունման վերջնաժամկետը հունիսի 30-ն է։

‍

Հայաստանը վերջին տարիներին շարունակաբար ակտիվ մասնակցություն է ցուցաբերում «Մանկական Եվրատեսիլ»-ին՝ գրանցելով նաև մրցույթի պատմության ամենահիշարժան հաջողություններից մի քանիսը։

‍