Երգչուհի Սոնա Ռուբենյանի ընտանիքում շուտով կծնվի երկրորդ երեխան։ Նա այս մասին հայտնել է նոր ստեղծագործության՝ «Հայ տուն» երգի թողարկման հետ միասին։
Երգչուհին իր ուղերձում նշել է, որ այս պահը երկար է սպասված եղել և իր համար առանձնահատուկ ուրախություն է։
«Հայ տունը սիրով է կառուցվում, իսկ նոր կյանքը մեր ամենամեծ օրհնությունն է։ Շատ երկար էի սպասում այս պահին, և այսօր վերջապես կիսվում եմ ձեզ հետ մեր ամենաերջանիկ լուրով։ Շուտով մեր տանը ևս մեկ փոքրիկ սիրտ է բաբախելու։ Իսկ տեսահոլովակը՝ շուտով»։
