Հեղինակ Ռուբեն Եսայանը հայտարարել է, որ աշխատում է իր առաջին լիամետրաժ անիմացիոն ֆիլմի վրա, որը նվիրված է Հովհաննես Թումանյանի կյանքին և ժառանգությանը։ «Հովհաննես. Ամենայն հայոց մուլտֆիլմը» կարելի է բնութագրել որպես Թումանյանի անիմացիոն կենսագրական ֆիլմ։
Նախագծի վրա աշխատելու ընթացքում ռեժիսորը ժամանակավորապես տեղափոխվելու է Լոռի՝ Հովհաննես Թումանյանի ծննդավայր, որտեղ էլ շարունակելու է ֆիլմի ստեղծման աշխատանքները մինչև դրանց ավարտը։
Ռուբեն Եսայանը նաև հայտնել է, որ ֆիլմի առաջին թրեյլերը նախատեսվում է ներկայացնել Ամանորի գիշերը, իսկ պրեմիերան կկայանա 2027 թվականի փետրվարի 19-ին՝ Հովհաննես Թումանյանի ծննդյան օրը։
