Դերասան Ռաֆայել Երանոսյանը հայտարարել է իր չորրորդ մոնոներկայացման՝ «Ծանր ու թեթև»-ի մասին։

‍

Դեռևս հունվարին դերասանը հայտնել էր, որ թիմի հետ աշխատում է նոր մոնոներկայացման վրա։ Այժմ նախագիծը պաշտոնապես ներկայացվել է՝ հայտնի են դրա անվանումը, ստեղծագործական կազմն ու բեմը։

‍

«Ծանր ու թեթև»-ի սցենարի հեղինակներն են Արմեն Վարդանյանը, Գարիկ Գևորգյանը, Գևորգ Սահակյանը և Թելման Առաքելյանը, բեմադրիչը՝ Դավիթ Աբրահամյանը, պրոդյուսերը՝ Վահան Թովմասյանը։ Երաժշտական ձևավորումն իրականացրել է Վահե Գրիգորյանը, իսկ պաստառի և լուսանկարի հեղինակն է Արվին Քոչարյանը։

‍

Ներկայացումը նախատեսվում է անցկացնել Բոհեմ թատրոնում։

‍

Առայժմ հայտնի չէ, թե ինչի մասին է «Ծանր ու թեթև»-ը, ինչպես նաև չի հայտարարվել պրեմիերայի ամսաթիվը։ Մանրամասները կներկայացվեն առաջիկայում։