Արմենիա TV-ն ներկայացրել է 2026 թվականի աշնանային եթերաշրջանի պաշտոնական թրեյլերը՝ բացահայտելով առաջիկա ամիսների հեռուստատեսային նորությունները։

‍

Նոր եթերաշրջանը կշարունակի արդեն ձևավորված նախագծերի պատմությունը։ Գարիկ Պապոյանի և Ռոբերտ Մարտիրոսյանի «Կասկածելի երեկո»-ն վերադառնում է հինգերորդ եթերաշրջանով, իսկ Դիանա Գրիգորյանի «Գոյամարտը» կշարունակվի նոր սերիաներով։ Նոր թողարկումներով եթերում կլինեն նաև «Ի՞նչ, որտե՞ղ, ե՞րբ», «Ավտո կարաոկե», «Բարի լույս», «Ժամը» լրատվականը և սիթքոմներ «Մարդամեկը» ու «Մամայի բալան»։ Աշնանը էկրան կվերադառնա նաև Վարդան Սարգսյանի «Աշխարհի համերով» նախագիծը։

‍

‍

Միևնույն ժամանակ, եթերաշրջանը նոր պատմությունների մեկնարկ էլ է տալիս։

‍

«Փախուստ մանկությունից»-ը, որը նախապես ներկայացվել էր որպես PanArmenian TV-ի YouTube-յան կարճ սերիալ, այս անգամ հայտնվում է հեռուստատեսային եթերաշրջանի շրջանակում։ Դիանա Գրիգորյանի նախագծում գլխավոր դերերում են Ռոզա Դավթյանը և Նոր Առուստամյանը։

‍

Նոր սերիալներից է նաև Ելենա Արշակյանի «Վարդերով տունը», իսկ սիթքոմների շարքը համալրում է «Մեղրամիսը»՝ պրոդյուսերներ Արփի Գաբրիելյանի և Միհրան Ծառուկյանի մասնակցությամբ։ Նախագիծը պատմում է մի խումբ գյուղացիների մասին, որոնց կյանքը կտրուկ փոխվում է, երբ նրանք հայտնվում են Եգիպտոսում։

‍

Նոր հեռուստատեսային պատմություն է նաև «Հարևան ջան»-ը՝ Մարջան Ավետիսյանի, Միկա Ղափլանյանի, Լևս Դավթյանի և այլ դերասանների մասնակցությամբ։

‍

Իսկ ժամանցային նախագծերի շարքում աշնանը կտեսնենք «Համ ու դամ» նոր խոհարարական հաղորդումը։ Դիանա Գրիգորյանը կներկայանա նաև մեկ այլ նոր նախագծով՝ «Մարդկային պատմություններ»-ով։

‍