«Սուպերմարկետ»-ը նոր հայկական սիթքոմ է, որի գործողությունները ծավալվում են սուպերմարկետում՝ ներկայացնելով այնտեղ աշխատող տարբեր կերպարների առօրյան, հարաբերություններն ու զավեշտալի իրավիճակները։ Նախագծի ստեղծագործական թիմը այն ներկայացնում է որպես պատմություն ծանոթ կերպարների, իրավիճակների և առօրյա դեպքերի մասին, որտեղ ձանձրույթի համար տեղ չկա։

‍

Նախագծում Լևոն Սարգսյանը մարմնավորում է սուպերմարկետի տնօրեն՝ պարոն Պետրոսին։ Հակոբ Հակոբյանն ու Արմեն Հովհաննիսյանը հանդես են գալիս Լեոյի և Մարկի կերպարներով։

‍

Սիթքոմի մյուս կերպարներն են Մերի Հակոբյանի մարմնավորած գանձապահ Կատրինը, Գրիգոր Դուդակլյանի խորհրդատու-վաճառող և բլոգեր Վարդանը, Վահագ Ստեփանյանի (Դելո) սթենդափեր և ամսվա աշխատակից Ռաֆոն, Լաուրա Թորոսյանի անվտանգության աշխատակից Սիլվին և Ազնիվ Ավագյանի մենեջեր Նարեն։

‍

«Սուպերմարկետի» ռեժիսորն է Վահան Հակոբյանը, սցենարի հեղինակները՝ Սարգիս Կալպակյանն ու Օնո Մանուկյանը, պրոդյուսերները՝ Արա Ղազարյանն ու Դավիթ Ադամյանը։

‍

Նախագիծը նկարահանվել է Լոս Անջելեսում և ներկայացվում է որպես այնտեղ նկարահանված առաջին հայկական սիթքոմը։

‍

«Սուպերմարկետ»-ի պրեմիերան՝ սեպտեմբերի 5-ին՝ ATV-ում և PanArmenian TV-ում։։