Աթենա Մանուկյանը ինստագրամյան իր էջում անդրադարձել է «Եվրատեսիլ» երգի մրցույթում հնարավոր ապագա մասնակցության թեմային՝ հստակեցնելով իր դիրքորոշումը ազգային ընտրությունների վերաբերյալ։

Երգչուհին նշել է, որ այլևս չի պատրաստվում մասնակցել որևէ ազգային ընտրության։

‍

«Մի բան ուզում եմ հստակեցնել․ այլևս երբեք չեմ մասնակցի որևէ ազգային ընտրության։ Ի վերջո, կարծում եմ՝ արժանի եմ ուղիղ ընտրվել»։

‍

‍

Մանուկյանի հայտարարությունը հետաքրքրություն է առաջացրել հետևորդների շրջանակում հատկապես այն պատճառով, որ երգչուհին արդեն երկու անգամ կապվել է Հայաստանի եվրատեսիլյան ընտրական գործընթացի հետ։

2020 թվականին նա հաղթել էր «Դեպի Եվրատեսիլ» նախագծում և պետք է ներկայացներ Հայաստանը Chains On Me երգով, սակայն մրցույթը չեղարկվեց COVID-19 համավարակի պատճառով։ Հինգ տարի անց՝ 2025 թվականին, Մանուկյանը կրկին վերադարձավ «Դեպի Եվրատեսիլ», սակայն այս անգամ չհաղթեց ընտրությունում։