Հայտնի է «Բարի գալուստ» նոր սիթքոմի պրեմիերայի օրը։ POP անկյանը բացառիկ մանրամասներ հայտնել է նախագծի պրոդյուսեր և սցենարի համահեղինակ Աղաս Մանուկյանը՝ նշելով, որ սիթքոմի առաջին եթերը նախատեսված է հոկտեմբերի 20-ին՝ Շանթ TV-ով։
Մանուկյանի խոսքով՝ հեռուստադիտողին սպասվում է «նոր, շատ ծիծաղալու ու տարբերվող սիթքոմ»։
Սցենարի մյուս հեղինակներն են Հայկ Սարգսյանը և Արտակ Վասիլյանը։ Մանուկյանը նաև նշել է, որ ինքը դերասանական կազմում հանդես չի գալիս։
Սիթքոմում նկարահանվում են Մարինկա Խաչատրյանը, Նորայր Եղյանը, Էվա Խաչատրյանը, Իրինա Հարությունյանը, Արման Նավասարդյանը, Դելոն, Վահե Պետրոսյանը, Մանե Մարդանյանը և այլք։
«Բարի գալուստ»-ի նկարահանումներն իրականացվում են Հունաստանում։
Լուսանկարները՝ «Բարի գալուստ»
