Օգոստոսի 29-ին Ճամբարակում կայացավ Առաջին ալիքի «Ֆեստիվառ» երաժշտական-զբոսաշրջային փառատոնի ամառային վերջին կանգառը, որի համերգային ծրագրում ելույթ ունեցան Հայաստանը «Եվրատեսիլ» երգի մրցույթում ներկայացրած մի շարք արտիստներ։

‍

Միջոցառումից հետո Հայաստանի՝ «Եվրատեսիլ»-ի պատվիրակության ղեկավար Դավիթ Ծերունյանը ինստագրամյան իր էջում անդրադարձել է երեկոյին՝ նշելով, որ այն անցկացրել է երգելով, պարելով և արտիստների հետ անցած «գեղեցիկ ճանապարհորդությունները» հիշելով։

‍

Այնուհետև Ծերունյանը հրապարակել է հարցում՝ հետևորդներին հարցնելով․ «Երևանում շուտով Եվրատեսիլյան մեծ համերգ՞»։

‍

Հարցման երկու պատասխաններն էլ դրական են՝ «այո» և «12x այո»։

‍

‍

Այս պահին պարզ չէ՝ հարցումը պարզապես գաղափար է, թե արդյոք Երևանում նման համերգ կազմակերպելու վերաբերյալ արդեն քննարկումներ կան։

‍