D’Litte-ն ինստագրամյան իր էջում անցկացրած հարցուպատասխանի ընթացքում կիսվել է իր երաժշտական ծրագրերի վերաբերյալ նոր մանրամասներով՝ ակնարկելով ինչպես առաջիկա թողարկումները, այնպես էլ Rehab դեբյուտային ալբոմի շուրջ ընթացող աշխատանքները։

‍

Երգչուհին հայտնել է, որ Միշոյի հետ նոր համագործակցությունն արդեն պատրաստ է։ Ստեղծագործության անվանումն ու թողարկման ամսաթիվը դեռևս չեն բացահայտվել։

‍

Միաժամանակ D’Litte-ն հաստատել է, որ «Արի խոսենք» երգը կթողարկվի այս ամառ՝ որպես առանձին սինգլ։ Այն, սակայն, չի ներառվի Rehab ալբոմում։

Ալբոմում տեղ կգտնի նաև «Ու գտա ես մեկին» ստեղծագործությունը, որը կներկայացվի որպես համագործակցություն մեկ այլ արտիստի հետ։ Թե ով է մասնակցում երգին, երգչուհին առայժմ գաղտնի է պահում։

‍

Բացի արդեն հայտնի ստեղծագործություններից, D’Litte-ն հայտնել է, որ արդեն գրվել է 4-5 նոր երգ։ Նրա խոսքով՝ դրանք ներկայացնում են տարբեր երաժշտական ուղղություններ, իսկ առաջին հատվածները կկիսվեն առաջիկայում։

‍

POP անկյան հետ զրույցում երգչուհին բացահայտել է նաև Rehab ալբոմի թողարկման ձևաչափի վերաբերյալ մի մանրամասն։ Նրա խոսքով՝ երգերը սկզբում հասանելի կլինեն միայն երաժշտական հարթակներում, իսկ ավելի ուշ այլ մոտեցմամբ կներկայացվեն նաև YouTube-ում։

‍

Հիշեցնենք, որ D’Litte-ի դեբյուտային Rehab ալբոմի առաջին սինգլը տեսահոլովակով թողարկվել էր մայիսի 7-ին։

‍