2016 թվականին իր առաջին թատերական ներկայացմամբ Հայաստանում հանդես գալուց տասը տարի անց «Ֆուլ հաուս»-ը երեկ՝ սեպտեմբերի 8-ին, վերադարձավ հայկական բեմ։ Ներկայացումը դարձել է «Ֆուլ հաուս» շրջագայության առաջին կանգառը։

Երեկոյի ընթացքում նախագծի պրոդյուսեր Արմեն Պետրոսյանը խոսել է նաև «Ֆուլ հաուս»-ի երկրորդ գեղարվեստական ֆիլմի մասին՝ առաջին անգամ նշելով դրա նախատեսվող թողարկման ժամկետը։

«Մի փոքր գաղտնիք բացենք. մյուս տարի մտածում ենք նկարահանել նաև «Ֆուլ Հաուս»-ի երկրորդ ֆիլմը և ձեր դատին հանձնել 2028 թվականի հունվարին»,

- ասել է նա։

Ներկայացման ընթացքում դերասան և սցենարիստ Գրիգոր Դանիելյանն անդրադարձել է նաև խմբի բացակայող անդամներից Գոռ Հակոբյանին՝ նշելով, որ նա անպայման կնկարահանվի առաջիկա ֆիլմում։

«Այդ ֆիլմում անպայման բոլորս՝ ամբողջական թիմով։ Այսօր ամբողջական թիմով չենք այստեղ, ես ուզում եմ ևս մեկ անգամ անդրադառնանք մեր Գոռին՝ ծափահարենք»,

- ասել է Դանիելյանը։

Նա նաև իր աջակցությունն է հայտնել Գոռ Հակոբյանի որդուն՝ ասելով. «Ֆելո ջան, մենք քեզ սիրում ենք»։

‍