Արտերկրում բնակվող մի խումբ հարսներ SMS են ստանում, որ իրենց սկեսրայրը մահից առաջ գյուղի տան բակում գանձ է թաքցրել։ Սկեսուրի ծննդյան առիթը պատրվակ դարձնելով՝ նրանք վերադառնում են Հայաստան՝ գանձը գտնելու համար։

Այս պատմության շուրջ է կառուցված «Հարսների հավաքական» նոր ներկայացումը, որն իր հեղինակները բնորոշում են որպես «մարտական կատակերգություն»։

‍

Ներկայացման պիեսի և մտահղացման հեղինակը Արմեն Վարդանյանն է, բեմադրող ռեժիսորը՝ Սեդրակ Գոջամյանը։

Դերասանական կազմում են Իրինա Դանիելյանը, Մարջան Ավետիսյանը, Զառա Սահակյանը և Լիանա Վանոյանը։

Պաստառի և լուսանկարի հեղինակը Արվին Քոչարյանն է։

‍

«Հարսների հավաքական»-ի պրեմիերան կկայանա հոկտեմբերի 5-ին՝ ժամը 19:30-ին, Ստանիսլավսկու անվան ռուսական դրամատիկական թատրոնում։