Երգչուհի Իվետա Մուկուչյանը դարձել է Beirut International Awards Festival միջազգային մրցանակաբաշխության 13-րդ արարողության դափնեկիր։

Արտիստը մրցանակի է արժանացել Who Am I ալբոմի, ինչպես նաև երաժշտարվեստում ունեցած ստեղծագործական ներդրման համար։

2026 թվականին թողարկված Who Am I ալբոմը ներառում է 10 ստեղծագործություն։ Նախագծի առաջատար սինգլը Make Me Feel-ն էր, իսկ երկրորդ՝ Easy Love-ը, որի պրեմիերան կայացավ ալբոմի շնորհանդեսի շրջանակում։

‍

‍

Մրցանակի հանձնման արարողության ընթացքում Իվետա Մուկուչյանն իր խոսքում անդրադարձել է հայ և լիբանանցի ժողովուրդների միջև ձևավորված երկարամյա պատմական կապերին։

«Ինձ համար մեծ պատիվ է առաջին անգամ մրցանակ ստանալ հենց Լիբանանում։ Լիբանանը մեզ՝ հայերիս, հարազատ երկիր է։ Այստեղ ապրում է բազմասերունդ հայկական համայնք։ Լիբանանն ինձ համար նույնպես տուն է»,

— նշել է երգչուհին։

‍

Հանդիսավոր միջոցառմանը երգչուհին ներկայացել է լիբանանահայ դիզայներ Եփրեմ Չաքարդեմյանի հիմնադրած Yeprem ապրանքանիշի զարդերով։

‍