JANAGA-ի երևանյան համերգի հետ կապված փոփոխություն է տեղի ունեցել։ Vibe Production-ը հայտարարել է, որ տեխնիկական պատճառներով միջոցառումը հետաձգվում է։

Կազմակերպիչների փոխանցմամբ՝ համերգի նոր ամսաթիվը 2027 թվականի մայիսի 15-ն է։ Այն կկայանա Կարեն Դեմիրճյանի անվան մարզահամերգային համալիրում և կմեկնարկի ժամը 19:00-ին։

Միևնույն ժամանակ հայտնի է դարձել, որ նոր ամսաթվին նախատեսված համերգը կունենա նաև հատուկ բաղադրիչ. JANAGA-ն հանդիսատեսին կներկայացնի իր նոր ալբոմը՝ վերածելով երեկոն ոչ միայն համերգի, այլև նոր երաժշտական շրջանի պաշտոնական մեկնարկի։

Կազմակերպիչները նշել են, որ արդեն ձեռք բերված բոլոր տոմսերը շարունակում են մնալ ուժի մեջ և լրացուցիչ փոխանակման կարիք չկա։

‍