Դերասան Կարեն Կարագուլյանը միացել է Netflix-ի նոր՝ «Positano» ֆիլմի դերասանական կազմին։

Իտալիայում նկարահանվող այս ռոմանտիկ քրեական պատմության գլխավոր դերերում հանդես կգան օսկարակիր Մեթյու Մակքոնահին և Զոյի Սալդանան։ Ֆիլմում նաև նկարահանվելու են Թոնի Քոլեթը, Սալվատորե Էսպոզիտոն, Միկելե Սավոյան և Լորենցո Դե Մուրը։

‍

‍

Նախագծի ռեժիսորն է Դենիել Ռոհերը, ով 2023 թվականին «Օսկար» է ստացել Navalny վավերագրական ֆիլմի համար։ Նրա ֆիլմագրության մեջ են նաև Tuner և The AI Doc նախագծերը։

Positano-ն պատմում է հմայիչ գոհարների գողի մասին, որը հրաժարվում է իր նախկին կյանքից՝ խորհրդավոր մի կնոջ հետ իրականացնելու վտանգավոր ծրագիր, որի արժեքը շատ ավելին է, քան պարզապես գումարը։

‍