«88» նոր դրամատիկ և գիտաֆանտաստիկ սերիալի դերասանական կազմին նոր անուն է միացել։ Ներսես Ավետիսյանը կմարմնավորի Հակոբին՝ Սամվել Թադևոսյանի մարմնավորած գլխավոր հերոս Ադամի հորը։

‍

Ինչպես արդեն հայտնել էինք, սերիալի պատմությունը զարգանում է երկու ժամանակաշրջաններում՝ 2026 թվականի Երևանում և 1988 թվականի Հայաստանում։ Լրագրող Ադամը ժամանակի միջով տեղափոխվում է անցյալ, որտեղ հանդիպում է իր հորը՝ Հակոբին, երիտասարդ տարիքում։ Հոր անհետացման պատմությունը դառնում է Ադամի՝ անցյալը բացահայտելու ճանապարհի առանցքային մասը։

‍

«88»-ը նախատեսվում է թողարկել «Կինոդարան» հարթակում։ Սերիալը բաղկացած կլինի 10 էպիզոդից, իսկ պրեմիերան սպասվում է 2027 թվականի հունվարին՝ Ամանորի շրջանում։

‍

Նախագծի գլխավոր պրոդյուսերն է Ռաֆայել Թադևոսյանը, ռեժիսորը՝ Պետրոս Հովհաննիսյանը, օպերատորը՝ Մկրտիչ Մալխասյանը։